مربع الوزراء - شيراتون هيليوبوليس مربع 1170 فيلا 39 امام مبنى ادارة الاعمال اكاديمية بحرية شوفي ... خلي Ace ماركت على يمينك .. ادخلي معاه يمين. بعدين تالت شمال هتلاقى الاكاديمية البحرية بعديها mini metro لفى مع سور الجنينة شمال هاتلاقى فيلا Diva ف وشك علطول والعنوان ما يتوهش :D

Diva Gym‎

لبنات اللي زهقت من الجيم التقليدي

ديفا جيم كسر قاعدة الجيم الروتيني في مصر





ايه بقى المختلف في جيم #ديفا عن اي جيم تاني



أولا الجيم ده مخصص للسيدات فقط

بيفتح كل ايام الاسبوع من 7:30 صباحا لحااااااااد 10:00 مساءا ... متفقين ؟؟

ثانيا من بداية دخولك للجيم المبنى نفسه مصمم بطريقه تبهرك وتحسي انه الصعب الممتنع و فعلا مكان مميز جدا وعلى كل المستويات، المكان عبارة عن فيلا خاصة مكونة من 3 ادوار . نبدأ بالدور الأرضي؛ ودة عبارة عن صالة واسعة جدا بتضم أحدث الأجهزة. تدخلي جوا تلاقي Spa خمس نجوم فى نفس مستوى الــHotels . فيه ساونا وبخار وجاكوزي وفيه كمان اوضة خاصة بالحمام التركي مكونة من سريرين رخام مجهزين بسخانات خاصة. وفيه كافيه للعصائر والوجبات الخفيفة كمان. الدور التالت : ودة خاص بــ "ستوديو الايروبيكس" والجدول بتاعهم موفر Classes منوعة ومطلوبة زى الــZumba والــMix Dance، Meditation ، و Pilates.. وغيرهم كتير.. اما الدور التاني ده بأة اللى بيخلى الجيم دة بالذات مميز عن غيره ودي خليها مفاجآة لما تزوروالمكان . طيب خلاص هانحرق المفاجآة

الدور الثاني خاص بالمساج بكل انواعه والــ Kids area . وفى كمان غرفة خاصة بالاسترخاء فقط. مجهزة بشاشة كبيرة وتلفزيون وبلاي ستيشن وليها حمام خاص بيها وDressing Room خاصة بيها. يعني من الآخر تقدروا تعتبروا الجيم ده Ladies area على اعلى مستوى من الخصوصية او فندق 5 نجوم



سيبك بقى من اللي فات وتعالي للاهم وهو ال Staff فيه مثل بيقولك ال Staff الفرفوش رزق والناس دي فرفوشه جدا فوق الوصف ، و عندهم مدربين اجانب و بصراحة تحس كده روح التعاون معاك وبيقدموا افضل خدماتهم علشان تكون مبسوط

رابعا والاهم بقى نظافة المكان وشياكته اللي بتحسسك فعلا بمستوى عالي جدا و إليت كمان المدربات، لاحظت ان الغرفة الخاصة بيهم داخل صالة الأجهزة لضمان تواجدهم ومتابعتهم للأعضاء فى كل الاوقات حتى وقت راحتهم. بجد المكان روعة ومريح نفسياً وهايعجبكم .. ابقوا جربوه وقولولي رأيكم.. وما تنسيش تسألي عن جدول الايروبكس