نصائح الزعيم لتوريد و تركيب ادوات صحية والخزانات بالجيزة كيف استلم اعمال السباكه؟

• Admin
• |
• 2019/06/18

كيف استلم اعمال السباكه؟

ناس كتير اوي بيبقي شاغلها الموضوع ده ومش عارفه ازاي تبتدي فيه وتعمل ايه بالظبط... 
احنا هنقول علي الخطوات اللي نقدر نحقق بيها اعمال السباكه بشكل مظبوط بقدر الامكان وبشكل منظم.

١- اول حاجه نختار أشخاص اللي فعلا فاهمه الشغل 
٢- نحدد اماكن كل شئ في الحمام بحيث انه يقدر يدينا مساحه كويسه واستخدام كويس وشكل عام ممتاز ده بيبقى عن طرق تصميم إلى بتقوم بيه الشركة
٣- شراء بضاعة السباكه.. عندنا انواع كتير في السوق زي 
( باننجر... اكواثيرم .. Br ... الشريف ... بروج.... ) دول تغذيه.. 
( سمارت... كاسل ... الشريف. حمزه .. بروج)، دول صرف.. 
يفضل عند استخدام الصرف والتغذيه يكون من شركه واحده علشان اقدر اخد ضمان علي الاتنين بعد التركيب 
٤- الفني طبعا بعد تحديد اماكن كل شيء عم طريق التصميم
* احواض سواء كانت في رخامه او معلقه او برجل.. 
* قواعد سواء كانت مدفونه ومعلقه . 
مدفونه ومش معلقه.. 
معلقه بصندوق طرد خارجي.. 
عاديه.. 
*بانيو وتحديد مقاسه وان كان هيركب قبل السيراميك ولا بعد السيراميك او بانيو قدم او جاكوزي( الجاكوزي يتعمل حساب كهرباء ليه بمفتاح لوحده) 
*مكان الشاور في حالة وجود شاور.. 
*خلاطات الدش سواء كانت دفن او خارجيه.. 
كل ده لازم يتم الاتفاق عليه قبل بداية الشغل.. 
نبتدي الشغل بقي... 
٥-يتم التكسير لعمل مواسير التغذيه بالمقاسات المطلويه حسب توزيعة الحمام المتفق عليها.... وتكسير اماكن مواسير الصرف اللي هتبقي موجوده في الحائط.. 
يتم التحبيش علي المواسير بعيدا عن اي وصلات او لحامات او اكواع علشان الشركه لما تيجي تستلم...
٦- يتم نضافة الحمام كاملا من اي مخلفات ويبقي علي المستوي الخرساني... ويكون نضافه شديده.. 
٧- يتم عمل لياسه اسمنتيه وديه بتبقي مرحلة نضافه فقط لا غير... ويتم عمل ( رقبة زجاجه) اللي هيا اني اطلع علي جوانب الحواىط بارتفاع ٢٠ سم.. 
٨- نيجي لمرحلة العزل وديه مرحلة مهمه جدا وكتير من الناس اللي بتفتي بتقول انها مرحله مش مهمه والعزل ده مهم جدا وهوه مهم علشان لو حصل تسريب في اي لحظه الخرسانات ميحصلش فيها اي تلف من اي نوع... 
* انواع العزل كتير 
١_ الانسومات 
٢_ سيكا ١٠٧ 
٣_ عزل بيتومين علي البارد 
٤_ عزل بيتومين على الساخن
الانسومات هي عباره عن رولات يتم فرشها علي الارضيات وعمل بيها رقبة الزجااجه ويتم عمل ركوب بين كل فرشه والتانيه لا تثل عن ١٠ سم ويتم عملها بالباشبوري 
سيكا١٠٧ عباره عن شكاير اسمنتيه وبيكون معاها جركن ماده يتم خلطها بيها ويتم عمل وش افقي ويليه بحوالي ٥ ساعات وش راسي ولا يتم خلطها او تخفيفها بالماء 
بيتومين بارد وهو عباره عن دهان يتم دهانه علي الارضيه وشين ايضا افقي وراسي.. 
بيتومين ساخن وده غالبا محدش بيستخدمه في الشغل الداخلي.. لان مراحله بتكون صعبه شويه 
في حالة وجود بانيو في احد الجوانب اعزل بارتفاع ٧٠ سم في جنب البانيو.. واسيب العزل ينشف وهنا اقدر اختبر العزل 
٩- يتم عمل التصاريف الخاصه بكل شيء 
( احواض.. بانيو.. غساله.. ) 
نصيحه 
عدم عمل بيبه في المطبخ 
يتم صرف الغساله في حالة وجودها في الحمام علي الصرف العمومي وعدم صرفها علي البيبه لان بعد كده بتعمل مشاكل... 
١٠- يتم عمل تحبيش علي مواسير الصرف وبرده نخلي اي لحامات او تكويع من غير تحبيش علشان الشركه تستلم الصرف.. 
١١- يتم عمل لياسه اسمنتيه لحمايه العزل 
١٢- يتم مجئ الشركه المسؤله عن المواسير( صرف او تغذيه) 
واستلامهم واعطائك شهادة ضمان بالشغل..