نصائح هامة من دليل أرزاق للتسويق الالكتروني للورش ومراكز الصيانة و شركتك او نشاطك

• دليل أرزاق
• |
• 2019/07/03

1. لازم يبقي عند حسابات علي كل وسائل التواصل الاجتماعي باسم نشاطك (فيسبوك –انستاجرام-تويتر-يوتيوب –موقع ويب –جوجل لادارة الاعمال )

فكل ما يبقي فى روابط لنشاطك علي محركات البحث كل ما ظهورك للعميل هيبقي اكتر واسرع

المهم تظهر بكلمات البحث عن نشاطك قبل ما تظهر باسمك واوعي تنسي انك تكون موجود علي صور جوجل واحنا فى دليل أرزاق بنساعدك علي ده

2 -العميل بيدور عليك بكلمات البحث عن نشاطك مش عن اسمك لان العميل اللي بيكتب اسمك فهو عارفك لكن اللي بيدور علي نشاطك ده عميل جديد لازم تكسبة بمعني

لو انت صاحب شركة النصر للشحن البري فى مدينتي لازم تبقي ظاهر بكلمة بحث(شحن بري فى مدينتي )لان ده اللي العميل هيدور عليك بها

3- اهم حاجة يكون عندك مكان علي الانترنت يحتوي علي كلمات بحثية كتير خاصة بنشاطك وده احنا بنوفرة من خلال دليل أرزاق فممكن من خلال نبذة عنك تكتب محتوي كبير بكلمات البحث عنك بالاضافة اننا بنخليك تكتب  مقالة باسمك فيها كل كلمات البحث علي اخبار دليل أرزاق ونتيجة عدد الزيارات والمشاهدات اليومية الكبيرة علي موقعنا فبتظر بالتالي بسرعة معانا فى الصفحات الاولي من محركات البحث

4-  لو انت عندك موقع الكتروني وهتعمل اعلانات جوجل الترويجية مثلا ,فهيبقي في مشكلة وهي ان ممكن الضغطة علي الاعلان  فى بعض الانشطة تتكلف من 25 الي 50 جنية

لو انت حطيت 100 جنية فى اليوم ممكن منافسك لو معندوش ضمير يفضل يضغطك علي رابط الاعلان وهيخسرك المبلغ اليومي من غير فايدة ,عشان كدة احنا فى دليل أرزاق بنهتم بمحركات البحث الطبيعية من غير متتكلف اعلانات لان عندنا محرك بحث قوي وعدد زيارات كبير شهريا

5 -   العميل لما بيلاقي عندك روابط كتير عالانترنت بيعرف انك كيان كبير فبالتالي ده بيجعله ياخد انطباع مبدئي كويس عنك لحد ما يتأكد انك فعلا مقدم خدمة جيد بعد التعامل معاك

1.  لما حد يتصل بيك بيسألك عن خدمتك او منتجك لازم تسألة عرفتنا منين عشان تشوف القناة اللي عرفك منها وتهتم بيها أكتر وتسجل رقم تليفونة عشان فى اي مناسبة او عروض بتعملها تبعتلة رسالة ودة اسمة (ادارة خدمات العملاء ) او CRM

2. اوعي تستخسر انك تستثمر فى الاعلان عن نشاطك لان الجنية اللي بتصرفة علي الاعلان بيجي من خمس ل 100 ضعف مكسب علي حسب نوع النشاط وزي ما انت شايف جوجل نفسة عامل اعلانات لنفسة وفودافون وبيبسي وكوكاكولا وكل الشركات الضخمة ده مش بتبطل اعلانات عن نفسها لان العميل بينسي بسرعة وبيحب يشوف مقدم الخدمة يظهر دايما قدامه

3. افتكر دايما ان تكلفة الحصول علي عميل جديد اكتر عشر اضعاف من تكلفة الاحتفاظ بالعملاء الحاليين عندك عشان كدة لازم لو عميل اشتغل معاك تخليه دايما مرتبط بيك

واخيرا اقوي وسيلة تسويق فى العالم هي (WORD OF MOUTH ) يعني كلمة العميل لحد بيسأل عن خدمتك فيوصي له بانه يتعامل معاك فلازم العميل بتاعك يبقى راضى عن خدمتك